“Do ngrihemi në protesta të mëdha” Paralajmëron Sali Berisha: Iku koha kur opozita mbahej peng nga telefonatat

Nga takimi i rradhës që po mban në kuadër të lëvizjes “Foltorja” në Përmet, ish-kryeministri Sali Berisha ka paralajmëruar se do  të ketë protesta në të gjithë vendin.

Ai tha se misioni kryesor i PD sot është bashkimi i të gjithë shqiptarëve.

Sipas Berishës, vetëm kjo gjë mund të sjellë ndryshimin në Shqipëri dhe të transformojë realitetin e veshtirë shqiptar.

Ai tha se ka ikur koha kur opozita mbahej peng nga telefonatat, dhe sot PD e bashkuar do të bëjë çdo gjë të ligjshme kundër vjedhjes së qytetarëve.

“Vetëm një opozitë e vërtetë i arrin qëllimet, një opozitë që tërhiqet prej hunde që merret në telefon mos bëj këtë mos bëjë atë, kjo nuk bëhet. Unë do bëj çdo gjë të ligjshme kundër kësaj qeverie që vjedh shqiptarët çdo ditë. Ne duhet të shpejtojmë të bashkohemi, të mobilizojmë energjitë tona për betejë. Ne do nisim protesta të mëdha në të gjithë vendin sepse ne jemi të vjedhur, sepse energjinë që ne marrim më lirë se gjithë Europa e blejmë shumë shtrenjtë. Pse them më lirë, sepse energjia jonë ka kosto ujore, atëherë si ka mundësi t’ua japim shqiptarëve më shtrenjtë se në shumë vende”, tha Berisha.