“Njerëzit mendonin se ishte numër magjie” Gentian Zenelaj dhe Florian Binaj kujtojnë momentin më të sikletshëm në skenë

Aktorët e humorit Florian Binaj dhe Gentian Zenelaj kanë rrëfyer detaje nga karriera dhe jeta e tyre personale.

Të ftuar në emisionin “E ardhmja është vajzë”, ata kujtuan një prej  skeçeve të tyre në të cilën kanë qeshur pafund pavarësisht se ishin në skenë.

Florian Binaj: Ka qenë një numër që kemi qeshur pa fund në skenë, kemi qeshur pa fund mbrapa, kemi qeshur dhe sa herë e shohim. Ajo me Çiljetën që u mbyta me karafilin.

Gentian Zenelaj: Flori tentoi që të hante një karafil dhe sa herë që kollitej i dilnin petale. Njerëzit kujtonin se ishte numër magjie, por jo. Është numër epik.

Florian Binaj: Realisht kanë qenë vite shumë të bukura, të mbushura plot me padije se çfarë ndodh nëse bëjmë një numër kaq të madh. Ajo që kuptonim mbrapa ishte që gjithmonë merrnim energji pozitive nga publiku dhe shkonim gjithnjë e më tutje.