7-vjeçari u dha pilula gjumi 6 vogëlushëve/ Ata dërgohen rëndë në spital nga mbidoza

7 fëmijë nën moshën tetë vjeç u dërguan me urgjencë në spital pasi kishin mbidozë nga pilula gjumi.

Policia u thirr në shtëpinë në Hopewell, Virxhinia, ku gjetën 4 fëmijë të moshës një, dy, tre dhe katër vjeç – të gjithë po merrnin frymë, mirëpo nuk reagonin. Kishte po ashtu edhe tre fëmijë të tjerë që ishin të vetëdijshëm, por vuanin nga letargjia.

Të gjithë fëmijët u dërguan në spitalin John Randolph, teksa dy më të vegjëlit u dërguan për në një spital tjetër në gjendje të rëndë.

Detektivët besojnë se një fëmijë 7 vjeçar u kishte dhënë pilula gjumi fëmijëve të tjerë në shtëpi. Një nënë la 3 fëmijët e saj në shtëpi me fëmijët e tjerë dhe më pas shkoi në një dyqan lokal me të rinjtë pa mbikëqyrje, u shpreh policia, raportoi VWBT.

Ajo thirri shërbimet e urgjencës kur u kthye për t’i gjetur fëmijët jo mirë, por ka pasur po ashtu një raport nga WTVR se policia e gjeti shtëpinë pa mbikëqyrjen e një të rrituri.

U lëshua një urdhër kontrolli dhe një ilaç i ngjashëm me atë që besohet se ishte marrë nga fëmijët u hoq nga shtëpia.