Sot protesta/ Policia bëhet gardh tek Ministria e Brendshme, pjesë dhe autoboti

Policia është vendosur në qendër të Tiranës në pritje të protestës së qytetarëve kundër rritjes së çmimeve. Dhjetëra mjete janë pozicionuar pranë ministrisë së Brendshme, teksa dhe një autobot është parë në pedonale.

Gjithashtu,  për të ruajtur rendin dhe sigurinë janë në gatishmëri edhe dhjetëra forca policie, të veshur me jelekë antiplumb.

Protesta është parashikuar që të nisë në orën 11:00 nga sheshi “Skënderbej” e më pas protestuesit do të drejtohen drejt kryeministrisë. Një përfaqësuese e protestës, u shpreh një ditë më parë se qeveria ka reaguar, por jo se ata kanë dashur. Sipas saj, në qoftë se qeveria nuk pranon kërkesat e qytetarëve, protestat do të vijojnë pambarimisht.