Këngëtarja e njohur, Semi Jaupaj, është mjaft aktive në profilet e saj në rrjetet sociale. Së fundmi, ajo ka vendosur që të bëjë një bashkëbisedim me ndjekësit e saj, ku u ka kthyer përgjigje disa pyetjeve pikante.
Siç ndodh me personazhet e njohur të ekranit, fansat janë shumë kuriozë që të dinë shumë gjëra si për jetën profesionale ashtu edhe atë private.
Pyetjet kanë qenë të shumta për ish-banoren e “Big Brother VIP”, por ajo që ka tërhequr më shumë vëmendjen ishte njëra që lidhej me martesën.
“A ke ndërmend të gjesh burrë se shoqet e tua janë me kalamaj tani?”, i ka shkruar një ndjekës.
Semi nga ana tjetër i është kthyer përgjigje me sportivitet: “Heshtje…Jo, nuk po mundohem. Për momentin fokusi është vetëm te muzika. Urime shoqeve meqë ra fjala”.
Ndërkohë kujtojmë që këngëtarja konfirmoi vitin e kaluar ndarjen nga Bojken Lako, me të cilin thotë se kanë mbetur miq. Dyshja qëndruan së bashku për 8 vite.
Semi u shpreh në “Big Brother VIP Albania” se nuk mendon se do të rikthehet ndonjëherë me Bojkenin.
“Kur më pyesin a ka ndonjë shans që unë të rikthehem me Bojkenin, i them “jo”, se nga vetë koha që kam kaluar… ka qenë shumë. Nuk është se ndenja një vit dhe pastaj të thoja prit se nuk i dihet. Unë kam ndenjur 8 vite”, është shprehur Jaupaj.
