Grupi negociator i protestës ka reaguar sot ku ka treguar se çfarë do të ndodhë ditën e shtunë përballë Kryeministrisë.
Aktivistja e njohur Rezarta Çaushaj i ka bërë thirrje qeverisë që të plotësojë kërkesat e protestës qytetare duke lënë mënjanë retorikën e tij politike. Sipas Çaushajt në qoftë se kryeministri Rama nuk reagon atëherë protesta do të përshkallëzohet pasi qytetarët do të ulen këmbëkryq në bulevardin “Dëshmorët e Kombit”.
Aktivistja Rezarta Çaushaj:
“Pas ditës së parë pas protestës ndryshoi qëndrimi i qeverisë, nga qëndrimi nuk ndërhyjmë do kurseni ndryshoi qeveria bëri gati paketën e masave. Me vazhdimin e protestave qeveria uli çmimin e karburanteve më pas përgjysmoi furnizimin me karburant për institucioneve. Në saj të protestave qeveria nisi të bëjë detyrën e saj për kontrollin e çmimeve abuzive. Tani ata duan të bindin qytetarët që të mos dalin në shesh, por këto masa që ka marrë qeveria nuk janë të mjaftueshme për përballimin e krizës, çmimi i naftës nuk do të qëndrojë i ulur në vazhdimësi, ndihmat për kategoritë në nevojë është shumë minimale, ulja e taksave do të ishte garanci për të ulur në vazhdimësi çmimet. Kërkesat tona janë këto:
- Heqja e taksës së qarkullimit për karburantin
- Pezullimi i taksës për produktet e shportës
- Ndihmë për fermerët
- Ndihmë për pensionistët
- Mbikëqyrje për koncesionet që ndikojnë në rritjen e çmimeve në hidrokarburet
Nëse qeveria është kokëfortë dhe nuk do të negociojë, këtë të shtunë në orën 11 qytetarët do të dalin të gjithë në shesh për të marshuar drejt Kryeministrisë. Ne nuk do të rreshtim së protestuari deri sa qeveria t’i trajtojë me dinjitet. Kryeministri Rama u tregon përalla për të mos njohur protestën e qytetarëve duke e cilësuar një “protestë të shurdhët”. Qeveria Rama ka reaguar jo në mënyrë si kemi dashur por jo me injorimin e bërë.
Skenarin si do të veprohet në protestën e së shtunës? “Njëri nga skenarët është përshkallëzimi, ne do të ulemi në shesh. Do të jemi në pritej nga Kryeministri Rama, nëse nuk do të veprojë ne nuk do të ndalemi por do të vazhdojmë”, tha Çaushaj.
