LIGJET E BIZNESIT
Ish-Presidenti Bamir Topi ka zbuluar një prej çështjeve të cilën e ka përfshirë në librin e tij të ri, “Betejat e humbura të Tiranës”.
Gjatë promovimit të librit, Topi tha se ka përfshirë çështjen e vjedhjes së pronave në vitin 1990, për të cilën thotë se ka folur me emra.
Sipas tij, në këtë vepër ka përfshirë të vërtetat nga këndvështrimi i ish-Presidentit.
“Në vitin 1990 kur të gjithë prisnin me padurim rikthimin e plaçkës së vjedhur, për pronën, ajo pronë pastaj u rivodh në mënyrën më të sofistikuar. Pikërisht këtu, jam i detyruar të flasë për një gjë që ka ndodhur këtu. Megjithatë dua ta dëshiroj që ta lë këtë pjesë në kuriozitetin e lexuesit. Kam folur me emra dhe mbiemra. Kam folur për të vërtetën. Kjo histori ngjan si historia e një operatori që merr aparatin dhe filmon. Unë them të vërtetat e mia në këtë libër. Gjëja e parë që kam lexuar, kur të thuash të vërtetat përgatitu mirë. Sepse, gënjeshtarët do të përgatiten mirë për të kundërshtuar. Këtë e kam pasur mirë, çdo ditë që kam shkruar.
Unë jam nisur nga qenia ime patriot dhe njeri i paqes, një njeri që do të ndërtojë ura komunikimi. Një njeri që do të thotë të vërtetën. Këtu ka shumë të vërteta. Do shikoni gjëra interesante që kanë parë sytë e mi. Njeriu kujton shumë, personazhe, personalitete. Ka qenë një fat i madh, që sa dilje shikoje Vaçe Zelën, se e kisha komshie. Ishte këtu. Rrethuar nga institucionet, këta njerëz nuk i sheh më. Kjo nuk është vepër e vetëm një individi. Këtu çdo njeri tregon për mirë ose për keq.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Do ju them një moment që lidhet me vitin 1989. Kjo i jep një dimension tjetër asaj që unë jam munduar të paraqes. Në pritje të datës së doktoraturës në universitetin e Torinos, vjen një studente me tabaka në dorë dhe më tha, a mund të hamë drek bashkë. Patjetër i thashë. Ku e ke të fejuarën më tha. Unë në mencë shkoja me kolegen time. Është kthyer për pushime në Shqipëri i thashë. Nga jeni ju? Shqiptarë. U ngrit menjëherë. Më tha që ju jeni jashtëtokësorë. Ajo më tha se jetonte në një vend në Itali, është hera e parë që kam parë një shqiptar” – tha Topi.
