Shpërthime të forta u dëgjuan mëngjesin e së martës në kryeqytetin e Ukrainës, Kiev. Një ndërtesë banimi raportohet se është qëlluar dhe më pas djegur.
Sipas Shërbimit të Emergjencës Shtetërore, zjarri tanimë është shuar dhe një person është dërguar në spital.
Në një video të postuar në rrjete sociale, presidenti ukrainas, Volodymyr Zelensky, u bëri thirrje trupave ruse që të dorëzohen.
“Në emër të popullit ukrainas, ne ju japim një shans për të jetuar. Nëse u dorëzoheni forcave tona, ne do t’ju trajtojmë ashtu sikurse duhen trajtuar njerëzit: me dinjitet”, tha Zelensky.
