“Do të hiqet…” Njoftim i rëndësishëm për të gjithë shqiptarët që duan të kalojnë kufirin me Greqinë

Duke filluar nga nesër do të hiqet rregulli për plotësimin e formularit PLF (Passenger Locator Form) për të udhëtuar drejt Greqisë.

Ky është një lajm i mirë dhe për shqiptarët të cilët udhëtojnë shpesh në vendin fqinjë.

Nga nesër, nuk do të nevojitet të plotësohet formulari PLF, pas 20 muaj ishte dokument i detyrueshëm dhe i nevojshëm për hyrje në Greqi. Kjo vlenë për udhëtarët që mbërrijnë në Greqi, të cilët vijnë nga vendet e BE-së ose të zonës Shengen, si dhe nga 35 vendet jashtë BE-së.

Ministri i Turizmit i Greqisë, Vasilis Kikiljas para dhjetë ditëve njoftoi se “me rekomandim të Komisionit të Epidemiologëve të Ministrisë së Shëndetësisë, nga 15 marsi i vitit 2022 hiqet plotësimi i formularit Passenger Location Form (PLF) për të gjithë vizitorët nga të gjitha vendet për hyrje në Greqi” dhe shtoi se heqja e lehtëson procesin për hyrjen e turistëve dhe theksi do të jetë në kontrollimin e certifikatave.

Sipas faqes zyrtare të Greqisë mfa.gr se qeveria e greqisë po i lehtëson kufuzimet e pandemisë COVID-19, duke hequr plotësimin e formularit PLF, që nga data 15 mars 2022.

“Qeveria e Greqisë po lehtëson kufizimet e udhëtimit për të kufizuar pandeminë COVID-19, duke hequr kërkesën nga udhëtarët ndërkombëtarë për të plotësuar një formular për gjetjen e pasagjerëve që nga data 15 mars 2022. Kjo do të thotë se të gjithë udhëtarët që vijnë në Greqi, deri më 14 mars 2022, pavarësisht nga kombësia” shkruan njoftimi i mfa.gr.

Plotësimin e detyrueshëm të formularit PLF, Greqia e vendosi më 1 korrik të vitit 2020 kur pas valës së parë të Kovid-19 dhe karantinës së parë gradualisht filloi t’i hapë kufijtë për shtetasit e huaj.