A do të rikthehen rrezet e diellit? Ja si parashikohet të jetë moti gjatë kësaj jave

Java që do të vijë pritet të jetë “tipike” e pranverës plot me ditë me diell.

Por në fund të saj do të rikthehen reshjet e shiut dhe të dëborës.

Ditën e nesërme dhe të martën moti parashikohet të jetë i kthjellët në të gjithë territorin përjashtuar vranësirat e pakta kalimtare në relievet malore.

Po ashtu edhe dita e Mërkurë dhe ajo e Enjte parashikohen me mot kryesisht të kthjellët por nuk do të mungojnë alternimet e vranësirave të cilat në relievet malore në lindje do të shoqërohen me reshje shiu të dobëta dhe lokale.

Java mbyllet me ditën e Premte dhe mot me vranësira mesatare dhe të dendura shoqëruar me reshje shiu me intensitet të ulët deri mesatar. Në relievet malore në lartësitë mbi 300 metër reshje dëbore me intensitet deri mesatar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Era parashikohet të fryjë e lehtë dhe shpejtësi mesatare 1-6 m/s ndërsa ditën e Premte era fiton intensitet në një pjesë të madhe të vendit dhe shpejtësi deri në 10-15m/s.