Nëse nuk bashkohet PD, a do të krijojë një parti të re? Sali Berisha zbulon planin që po përgatit

Nga konferenca e jashtëzakonshme që mbajti sot me gazetarët, ish-kryeministri Sali Berisha bëri publike disa lëvizje që po planifikon të bëjë në ditët në vazhdim.

Ndër të tjera ai u shpreh i prerë se nuk ka ndërmend të krijojë një parti të re nëse nuk arrihet bashkimi i Partisë Demokratike.

Berisha shtoi se një njeri i vetëm nuk mund ta mbajë peng këtë forcë politike, duke iu referuar kryetarit aktual Lulzim Basha.

“Aktualisht nuk ka një kryetar partie, me zgjedhje të pjesshme që përbëjnë 1/6 e elektoratit, nuk bëhet fjalë se është ligji i statutit. Bëhet fjalë në mbarë vendin. Nesër do mblidhet Komisioni i Rithemelimit të PD për të analizuar procesin zgjedhor por edhe për të marrë vendime më 22 mars. Nuk iu fsheh dot se gjatë këtyre 5 javëve të gjitha forcat e organit drejtues të PD, kanë qenë të përqëndruara në këtë fushatë. Do të bëhet një bilanc se si është ecuria në degët e tjera. Nëse nuk arrihet bashkimi, do ketë parti të re? Jo nuk do të ketë një parti të re. Nuk e merr peng një njeri.”, u shpreh Berisha.