LIGJET E BIZNESIT
Aktori i njohur amerikan Leonardo DiCaprio dhuroi plot 10 milionë dollarë për Ukrainën, për situatën e luftës. Aktori hollivudian ka një lidhje mjaft të veçantë me Ukrainën, gjyshja e tij Helen Indenbirken, ka lindur në Odessa, nga ku më pas u transferua në Gjermani në vitin 1917 sipas Hindustan Times.
DiCaprio ka shprehur solidaritetin e tij me ndihmën që ka kontribuar për vendlindjen e gjyshes së tij. Aktori ka qenë shumë i afërt me gjyshen e tij, e cila e ka mbështetur në nisje të karrierës së tij. Helen Indenbirken, vdiq në vitin 2008 në moshën 93-vjeçare. Ajo u shfaq me nipin dhe vajzën e saj në premierat e filmave të tij pothuajse gjatë gjithë jetës së saj.
DiCaprio është përfshirë prej shumë kohësh dhe në iniciativa kushtuar luftës kundër katastrofës klimatike. Shumë aktorë dhe regjisorë të famshëm kanë shprehur solidaritetin e tyre me popullin ukrainas për luftën që po kalojnë, të cilët nisën të mbledhin para.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
