Pse po e përdor Rusia shkronjën “Z” mbi tanke? Merr fund dilema që u bë virale në të gjithë botën

Zgjidhet misteri se çfarë nënkupton shkronja “Z” në mjetet ushtarake të Rusisë.

Fillimisht, ky simbol u dallua në tanke.

Por tashmë është kthyer në një shenjë mbështetjeje për pushtimin e Rusisë në Ukrainë.

Përdorimi i “Z” është bërë nga njerëz të ndryshëm dhe po merr trajta mbarëkombëtare në Rusi. Fillimisht ishin disa fëmijë të sëmurë rëndë në Kazan që së bashku me nënat e tyre krijuan shkronjën “z” në shenjë mbështetje ndaj pushtimit.

Më pas, një gjimnast rus e përdori shkronjën “Z” teksa merrte një çmim në një kompeticion në Katar.

Ka pasur disa ide për origjinën e saj. Disa thonë se “Z” qëndron për “Za pobedu” (qe do të thotë “për fitoren”). Disa të tjerë e kanë përkthyer si “Zapad” (Perëndim).

Ndërkohë që spekulimet kanë shkuar deri aty saqë e kanë krahasuar me svastikan që u përdor në Luftën e Dytë Botërore nga nazistët gjermanë. Madje “Z”-së i kanë vënë pseudonimin “svastika e Putinit”.