Shkon në pesë numri i viktimave nga aksidenti tragjik në aksin Fushë-Krujë- Milot.
Mësohet se edhe 34-vjeçarja Rudina Haka nuk ka mundur ti mbijetojë plagëve të marra.
Kujtojmë se si pasojë e aksidentit të ndodhur pas mesnate në aksin Fushë Krujë-Milot humbën jetën edhe Almenia Karaj 16-vjeçe, Shkumbin Brati 20-vjeç, Artan Alushi 30-vjeç dhe Alfred Dika 39-vjeç.
Sipas policisë, rreth orës 00:15, në aksin rrugor Fushë Krujë-Milot, një automjet me drejtues Alfred Dika, 39 vjeç, është përplasur me automjetin me drejtues Artan Alushi, 30 vjeç.
Si pasojë e përplasjes humbën jetën dy drejtuesit e mjeteve dhe dy pasagjerët që ndodheshin në automjetin që drejtonte shtetasi Artan Alushi. Rrethanat e aksidentit nuk dihen ende.
