Ashtu sikurse ka marrë edhe emërtimin nga qytetarët, aksi Fushë Krujë – Milot është kthyer në një rrugë “vdekje”, si pasojë e aksidenteve të shpeshta dhe fatale që ndodhin.
Vetëm pak pas mesnate në afërsi të Thumanës, katër persona gjetën vdekjen si pasojë e përplasjes së dy makinave me të cilët ata udhëtonin. Viktimat u identifikuan si Almenia Karaj 16-vjeçe, Shkumbin Brati 20-vjeç, Artan Alushi 30-vjeç si dhe Alfred Dika 39-vjeç.
Rastësia e frikshme në aksident është se ka ndodhur pikërisht në një vend ku para dy vitesh ndërruan jetën 4 të rinj. Mbetjet e makinave të përfshira në aksident pak pas mesnatës, janë ngjitur me përkujtimoren e 4 viktimave të 18 marsit të 2020.
