Autoriteti Rrugor Shqiptar (ARRSH) bën me dije se në Fushë Arrëz-Fushë Dukagjin, Bulqizë-Peshkopi, Qafë Mali-Fierzë dhe në Valbonë kanë filluar reshjet e dendura të dëborës.
ARRSH njofton de mjetet borëpastruese po punojnë për pastrimin e rrugës, ndërsa apelon drejtuesit e mjeteve që të respektojnë sinjalistikën rrugore, duke ulur shpejtësinë, si dhe të pajisen me goma dimërore.
“Filluan reshjet e dëborës edhe në Rajonin Verior në Fushë Arrëz-Fushë Dukagjin, Bulqizë-Peshkopi, Qafë Mali-Fierzë dhe në Valbonë
Po punohet me mjete borëpastruese për pastrimin dhe shpërndarjen e kripës në të gjitha akset me prezencë bore. Qarkullimi kryhet pa probleme.
Drejtuesit e mjeteve të bëjnë kujdes në lëvizje, në këto akse, të respektojnë sinjalistikën rrugore të reduktojnë shpejtësinë dhe të pajisen me goma dimërore dhe zinxhirë”, shkruhet në njoftimin e ARRSH.
