LIGJET E BIZNESIT
Ministrja e Bujqësisë dhe Zhvillimit Rural, Frida Krifca, është takuar disa fermerë të prodhimit të grurit në Katundin e Ri, Durrës. Mungesa e mundshme e importit nga Rusia të grurit, ka shtyrë Krifcën t’u bëjë apel fermerëve të shtojnë tokat e mbiella me këtë produkt. Në harkun e 2 javëve, një kuintal miell u shit në Shqipëri 40% më shtrenjtë, me argumentin se është rritur lënda e parë nga jahstë.
“Jemi në periudhën e aplikimeve të Skemës Kombëtare. Ju keni përfituar nga skema e naftës vitin e kaluar, uroj të keni aplikuar përsëri dhe të keni orientuar edhe fermerët e tjerë për ta bërë këtë. Më vjen shumë mirë që të mund të vijmë në ndihmë sadopak me uljen e kostove të prodhimit të një kulture që tashmë është më e rëndësishme se kurrë.
Ne jemi importues për një pjese te nevojave tona te grurit. Aktualisht nga Rusia nuk mund të importojmë më. Unë kam takuar përpunuesit e grurit në vend për të kuptuar a do të kemi problematika dhe ata më kanë siguruar se në rast problematikisht kanë çdo mundësi për t’u orientuar në tregje të reja.
Kjo sigurisht është një mundësi për prodhuesit vendorë që të fokusohen te gruri, kështu që përpunuesit të mund të marrin grurin, elbin dhe misrin e prodhuar në vend, që tashmë vjen me një cilësi gjithnjë e më të mirë”, u shpreh Krifca.
