Presidenti i Rusisë Vladimir Putin është shprehur sërish me tone të ashpra ndaj vendeve të Europës që i kanë vendosur Rusisë sanksione ekonomike. Ai theksoi se çdo shtet që mendon të vendosë zonëndalim-fluturimi mbi Ukrainën do të konsiderohet nga Moska si bashkëpunëtor në luftë. Lideri rus ka qenë i prerë se nuk do të ndalojë sulmin në Ukrainë derisa të përmbushi të gjitha “premtimet” që ka deklaruar më herët.
“Çdo lëvizje në këtë drejtim do të konsiderohet nga ne si pjesëmarrje në një konflikt të armatosur nga ai vend. Nuk ka plane për vendosjen e Ligjit të Luftës. Nuk jemi në një situatë tillë dhe shpresoj që nuk do të jetë nevoja”, tha ai.
