Në qytetin e Mariupolit u vendos të kishte armëpushim, por duket se kjo gjë nuk po respektohet nga ana e Rusisë. Këshilli i qytetit tha se luftimet po zhvillohen në rajonin e Zaporizhzhia, ku përfundon korridori humanitar.
“Rusët po vazhdojnë të na bombardojnë dhe përdorin artileri. Është një çmenduri,” tha nënkryetari i bashkisë së Mariupolit, Serhiy Orlov për BBC.
“Nuk ka armëpushim në Mariupol dhe nuk ka armëpushim gjatë gjithë rrugës. Civilët tanë janë gati të shpëtojnë, por ata nuk mund të ikin nën granatimet.”
Zyrtari pohoi se nuk ka trena që të bëjnë të mundur largimin prej aty të qytetarëve, pasi infrastruktura është shkatërruar nga trupat ruse.
