Pas deklaratës së presidentit të Rusisë Vladimir Putin i cili tha se në Ukrainë po luftojnë mercenarë nga Ballkani, përfshi Shqipërinë dhe Kosovën, ka reaguar ambasadorja e SHBA në vendin tonë, Yuri Kim.
Ajo shprehet se këto janë gënjeshtra për të ngritur dyshime dhe për të hequr vëmendjen nga e vërteta, e cila është pushtimi i paramenduar nga forcat ruse ndaj Ukrainës.
“Fushata ruse e dezinformimit është në mbingarkesë. Këto janë gënjeshtra të krijuara për të ngritur dyshime dhe për të hequr vëmendjen nga e vërteta, që është se Rusia ka pushtuar Ukrainën. Rusia është e përfshirë në një sulm të paramenduar, të paprovokuar, të pajustifikueshëm ndaj një kombi tjetër sovran”, shkruan ambasadorja.
