“Ndalo menjëherë luftën” Kancelari gjerman telefonon Putinin, ja për çfarë ranë dakord

Kancelari gjerman Olaf Scholz ka zhvilluar një bisedë telefonike me Vladimir Putin.

Ai i ka kërkuar presidentit rus që të ndalojë menjëherë të gjitha veprimet ushtarake në Ukrainë.

Lajmin e konfirmoi një zëdhënës i qeverisë së Gjermanisë.

Scholz gjithashtu i bëri thirrje Putinit që të lejojë aksesin për ndihma humanitare në zonat ku po zhvilloheshin luftime.

Gjatë bisedës që ka zgjatur një orë, liderët ranë dakord që së shpejti të zhvillojnë bisedime të mëtejshme, shtoi zëdhënësi, raporton BBC.

Rusia vijon agresionin ushtarak në Ukrainë, duke shkaktuar edhe qindra viktima në civilë.