LIGJET E BIZNESIT
Ish-futbollisti Andriy Voronin ka deklaruar se është i gatshëm të marrë armët dhe të luftojë me forcat e armatosura ukrainase kundër pushtimit të vendit nga rusët.
Ylli i fushës së blertë, i cili dikur luante me skuadrën e Liverpool, e ka cilësuar presidentin e Rusisë Vladimir Putin si një “bir k*rve”.
Voronin, një lojtar i kombëtares ukrainase, me të cilën ka zhvilluar 75 ndeshje, është detyruar të lërë punën e tij si ndihmës menaxher i Dynamo Moskës, ndërsa forcat ruse vazhdojnë të përparojnë në Kiev dhe zonat përreth të vendit.
Pasi u larguan nga Rusia, Voronin dhe familja e tij tani janë të sigurt në Gjermani, me 42-vjeçarin që i tha të përditshmes gjermane Bild se: “Nuk mund të punoja më në vendin që po bombardon atdheun tim”.
Kur u pyet nga Bild se çfarë mund të bëjë Gjermania për të ndihmuar Ukrainën, ai shtoi: “Ndaloni birin e ku****, Putinin, ndihmoni refugjatët. Dhe dërgoni armë që ne të mbrohemi. Jam shumë krenar për vendin tonë, ne kemi qytete të bukura, njerëz të mrekullueshëm. Ne do të vazhdojmë të luftojmë. Dhe do të fitojmë. Por çmimi është kaq i lartë. Shihni sa të vdekur ka. Ne jetojmë në vitin 2022, dhe jo në Luftën e Dytë Botërore”.
