Ushtari ukrainas 25-vjeçar, i cilësuar si hero, pasi hodhi veten në erë në një urë për të ndaluar avancimin e trupave ruse është nderuar me funeral.
Vitaliy Skakun Volodymyrovych zuri vend në një urë afër Krimesë kur tanket ruse po përparonin.
Kur e kuptoi se nuk do të mund të dilte në kohë përpara shpërthimit, ai dyshohet se mori vendimin të qëndronte poshtë dhe të sigurohej që ura të shkatërrohej, edhe pse kjo do të thoshte që të jepte jetën.
Në fillim të kësaj jave, Volodymyrovych u varros në qytetin e tij të lindjes. Ambasadori i Ukrainës në Austri Olexander Scherba ndau një foto të funeralit të tij në rrjete sociale.
Ai shkroi: “Emri i tij ishte Vitaly Skakun. Ishte vetëm 25 vjeç. Për të ndaluar fashistët ai shpërtheu një urë. Sot ai u varros në qytetin e tij të lindjes.
