“Tregoni që jeni me ne” Presidenti ukrainas i drejtohet Parlamentit Europian: Askush nuk do na thyejë

Ditën e sotme presidenti i Ukrainës Volodymyr Zelensky mbajti një fjalim para Parlamentit Europian në një seancë të jashtëzakonshme për luftën ruse.

Kreu i Shtetit u shpreh se ajo që po ndodh në vendin e tij është një tragjedi dhe ata po luftojnë për tokën, lirinë dhe jetën e tyre.

Zelensky tha: ‘Askush nuk do të na thyejë, sepse ne jemi ukrainas’.

Ai gjithashtu shtoi se Rusia ka synuar fëmijët ukrainas, me 16 të vdekur dje. Ai i bën thirrje Parlamentit Europia të ‘provojë se jeni bashkë me ne’, të provojë se nuk do ta zmbrapsë Ukrainën dhe të provojë se janë ‘evropianë të vërtetë’.

‘Besoj se sot ne do t’u tregojmë të gjithëve se kush jemi. Pa ju Ukraina do  të jetë e vetme. Ne kemi treguar forcën tonë. Ne kemi provuar se ne jemi njësoj si ju. Tregoni se jeni me ne. Tregoni se nuk do na lëshoni’, tha ai.