“I kemi ushtarët si James Bond”/ Ish-ambasadori i Ukrainës: Nuk dorëzohemi kurrë

Ish-ambasadori i Ukrainës në Bashkimin Evropian Kostinatyn Yelisieviev ka deklaruar se ushtarët e vendit të tij janë të ngjashëm me James Bond, agjentin e famshëm 007. Në një prononcim për mediat, Yelisieviev u shpreh se Ukraina nuk do të dorëzohet para Rusisë. Ai shton se është i bindur se Vladimir Putini nuk ia ka arritur qëllimit, dhe është mirënjohës për partnerët perëndimorë të Ukrainës.

“Ukraina sigurisht se do të mbijetojë. Ne kurrë nuk do të dorëzohemi. I tërë kombi është i bashkuar dhe si një trup po lufton. Ajo çfarë është shumë e rëndësishme se të gjitha forcat politike janë të bashkuara. Çdo dritare, shtëpi, rrugë do të jenë ferri i vërtetë për agresorin, pushtuesin. Është një luftë, jo vetëm për Ukrainën, është një luftë për liri për tërë Evropën. Ushtarët tanë janë heronj të vërtetë, janë si James Bond,”- tha ish-diplomati ukrainas.