Megjithëse nuk u shpall fitues i çmimit të madh, Donald Veshaj mori si dhuratë nga Big Brother Vip, fillimin e një emisioni, të titulluar “Më lër të flas” dhe një udhëtim me të vëllanë binjak, Romeon në disa vende të botës. Mirëpo pas humbjes, u aludua se vëllezërit kishin hequr dorë nga programi.
Burimet për Prive kanë konfirmuar se janë sheshuar pakënaqësitë. Donaldi dhe Romeo kanë vendosur që të mos anulojnë gjithçka dhe me gjasë do të jenë në shtëpinë e tyre të re mediatike ashtu sikurse ishte paralajmëruar.
Përmendim që Donaldi nuk mori pjesë në Post Big Brother VIP. Për më tepër, ai ka hequr dorë nga udhëtimi nëpër botë që mori si dhuratë teksa shpjegoi përmes një videoje që ndau në rrjete sociale, se ka menduar që t’i dhurojë 7 biletat për destinacionet për 7 çifte.
