Rusia është ndeshur me një situatë që sigurisht nuk e kishte parashikuar përpara se të mësynte në Ukrainë: Rezistenca e qytetarëve.
Ata kanë qenë të shumtë në numër, të cilët kanë marrë armët në mbrojtje të atdheut. Në një video të publikuar së fundmi në rrjete sociale, shihet se si një qytetar, del përpara tankut rus, për të ndaluar përparimin e saj, një skenë e ngjashme me vitin 1989, ku asokohe një tjetër qytetar kinez, doli përpara tankut në Sheshin Tiananmen.
Incidenti erdhi pasi një konfrontim i ngjashëm u bë viral ditën e premte, ku një makinë civile, u shtyp nga një tank. Burri që po e drejtonte për fat të mirë arriti të shpëtonte. Përmendim, që prej 24 shkurtit, Rusia ka pushtuar Ukrainën dhe që prej asaj dite, janë duke u zhvilluar beteja të ashpra mes dy forcave.
Njeriu që asokohe është quajtur “Njeriu i Tankeve” në mediat sociale dhe teksa identiteti i tij tanimë dihet, guximi i tij tërhoqi shumë shpejt lavdërimet nga të tjerët të frymëzuar nga protesta e tij, e cila është bërë emblematike e rezistencës së Ukrainës.
https://www.youtube.com/watch?v=H8mB7KfvDD0&feature=emb_title
