Rusia thirrje Ukrainës: Do të ketë vik tima dhe aksidente

Ministria e Mbrojtjes në Rusi ka kritikuar ashpër qeverinë ukrainase për shpërndarjen e armëve për civilët, duke thënë se kjo “do të çojë në mënyrë të pashmangshme në aksidente dhe shumë viktima”.

“Regjimi nacionalist i Kievit shpërndan masivisht dhe në mënyrë të pakontrolluar armë të vogla automatike, granatahedhës dhe municione për banorët e vendbanimeve ukrainase,” u shpreh zëdhënësi i Ministrisë së Mbrojtjes, gjeneralmajor Igor Konashenkov në një deklaratë ditën e shtunë.

“Përfshirja e popullsisë civile të Ukrainës nga nacionalistët në armiqësitë do të çojë në mënyrë të pashmangshme në aksidente dhe viktima.”

Përpos pretendimeve ruse për të kundërtën, provat sugjerojnë se infrastruktura civile ndodhen nën sulm. Raportet përreth godinave të ndërtesave të banimit dhe kopshteve të fëmijëve, civilëve të vrarë si dhe raketave të gjetura në rrugët e banimit janë përhapur që nga nisja e ofensivës.

Komisioneri Evropian për Menaxhimin e Krizave Janez Lenarçiç tha se ai dënon “më fuqishëm” sulmet ruse ndaj civilëve dhe infrastrukturës civile në Ukrainë.
Konashenkov përsëriti po ashtu pretendimet se ushtria ukrainase po vendoste pajisje të rënda ushtarake në zonat civile.“Të dhënat tona të inteligjencës vazhdojnë të regjistrojnë dislokimin e njësive të raketave dhe artilerisë nga nacionalistët ukrainas në zonat e banuara jo vetëm në Kiev, por edhe në qytete të tjera të Ukrainës”, tha ai.

“Ne i bëjmë thirrje popullit të Ukrainës që të jetë i ndërgjegjshëm, të mos dorëzohet para këtyre provokimeve të regjimit të Kievit dhe të mos ekspozojë veten dhe të dashurit e tyre ndaj vuajtjeve të panevojshme”, përfundoi Konashenkov.

Përkundrejt këtyre deklaratave, vetë qytetarët rusë janë parë duke ndërtuar koktej molotovi dhe barriera për të ndaluar tanket ruse. Ata kanë pohuar se do të përballojnë sulmet me çfarëdolloj kostoje.