Aktorja amerikane i drejtohet Putinit: Po të isha unë nëna jote, ti do të ishe…

Ndaj personit ndoshta më të “urryer” sot për sot në mbarë botën, Vladimir Putin, kanë nisur një lumë pakënaqësish. Diku urrejtje, fyerje, mallkime e gjithçka që lind nga dëshpërimi i pushtimit të Ukrainës. Mirëpo aktorja amerikane AnnaLynne McCord ka zgjedhur një mënyrë tjetër për t’iu drejtuar liderit rus.

Ajo postoi një video në mediat sociale, duke interpretuar një poezi drejtuar Putin, ku mes të tjerash thoshte se sa ndryshe do të ishin gjërat nëse ajo do të ishte nëna e tij. Kjo video u bë shumë shpejt virale, është pëlqyer jashtëzakonisht shumë dhe ka sjellë reagimin e shumë njerëzve.

“I dashur zoti President Vladimir Putin. Më vjen shumë keq që nuk isha nëna juaj. Po të isha nëna jote, do të kishe qenë kaq i dashur. Po të isha nëna jote, bota do të ishte e ngrohtë. Kaq të qeshura dhe gëzim, asgjë nuk do të dëmtonte. Nuk mund ta imagjinoj se çfarë plagësh, çfarë dhimbjeje që të vjedh shpirtin që ke përballuar dhe ke besuar si djalë, dhe formimi i të menduarit tënd të ka mësuar se jeton në një botë mizore, të padrejtë.”, thotë ajo mes të tjerash.