Sherri në Mamurras, kush është vajza që i futi në sherr 

Mediat kanë zbardhur detaje të reja nga sherri masiv i ndodhur orët e para të mëngjesit të së hënës në Mamurras. Dy grupe u përplasen me armë zjarri duke qëlluar për disa metra ku Gentian Diva dhe Alban Skonja mbetën të plagosur.

Bëhet me dije se sherri ka ndodhur për një vajzë. Kjo e fundit ka bashkëjtuar me një nga vëllezërit Lleshaj dhe dyshohet se përdorej për trafikimin e lëndëve narkotike. Pas një kohhe, vajza u larguar dhe qëndronte me grupin tjetër të familjes Diva.  Diçka e tillë ka sjellë edhe acarimin mes dy grupeve ku janë plagosur dy personat.

Ngjarja e rëndë ka ndodhur në orët e vona të mbrëmjes së djeshme në Mamurras. Vëllezërit Kastriot dhe Armando Lleshaj nga Mamurrasi ngacmuan vajzën që ndodhej në shoqërinë e kushërinjve Gentian dhe Andi Diva dhe mikut të tyre Alban Skonja. Dy grupet nisën debatit pranë shinave të trenit. Më pas në qendër të qytetit vëllezërit Lleshaj qëlluan në drejtim të mjetit tip Hundai ku ndodheshin tre personat e tjerë bashkë me vajzë.

Menjëherë i riu 19-vjecar Andi Diva u kundërpërgjigj me armë. Nga të shtënat u plagosën 39 vjeçari Alban Skonja, nga Durrësi dhe Gentian Diva, 40 vjec nga Fushë-Mamurrasi.

Policia njoftoi se ka arrestuar Andi Diva, i cili është nip i Gentian Divës. Në banesën e 19 vjeçarit policia sekuestroi një pushkë dhe 20 fishekë.

Sakaq, janë shpallur në kërkim vëllezërit Kastriot dhe Armando Lleshaj.  Njëri nga të plagosurit, Gentian Diva, ka qenë I dënuar për një vrasje të kryer gjatë një grabitje në vitin 1997 dhe 2 vjet më parë ka dalë nga burgu. Gjithashtu ai është i vëllai i Enver Divës, i cili është në burg pasi akuzohet si i implikuar në vrasjen e dy vëllezërve Besmir dhe Viktor Haxhia, në Durrës në prill 2020.