Një ngjarje e rëndë ka ndodhur pasditen e djeshme në Itali, ku shqiptari ka dhunuar dhe plagosur me thikë ish gruan dhe partnerin e saj.
Bëhet me dije se në pranga ka rënë 53-vjeçari, Pëllumb Jaupi. Jaupi kishte ndjekur ish bashkëshorten 51 vjeçare më të cilën ishte ndarë dy vite më parë dhe më pas kur e ka gjetur në hotel me partnerin e saj 48 vjeç i ka qëlluar me thikë duke u shkaktuar plagë të rënda.
Mediat italiane raportojnë se të plagosurit ndodhen në spital, ndërsa njëri është në gjendje të rëndë për jetën.
Mirëpo mësohet se ndaj autorit, ish gruaja kishte bërë edhe më parë denoncim për përndjekje. Por prokuroria e kishte lënë të lirë duke u dhënë masën për ndalim të komunikimit me viktimën, por si duket kjo nuk e ka ndaluar aspak shqiptarin që të vijojë ta ndjekë dhe kërcënojë.
