“Ke shumë koincidenca me Zoton”/ Gjiknuri-Tabakut: Janë me qindra biznesmenë në Shqipëri

Në komisionin për inceneratorët është duke dëshmuar deputeti socialist Damian Gjiknuri.

I pyetur nga kryetarja e komisionit, Jorida Tabaku lidhur me “koincidencat” e shumta që lidhin atë me biznesmenin në kërkim, Klodian Zoto dhe njëra prej tyre është dhënia e një leje minerare për kompaninë e Klodian Zotos dhe Stela Gugalles, Gjiknuri tha se ka dhënë me qindra leje të tilla.

Pjesë nga dëshmia:

Gjiknuri: Është një absurditet që Damian Gjiknuri duhet sulmuar, dhe duhet gjetur gjë në këtë rast. Këto janë vepra që adresojnë në nevojë të madhe publike. A mund të ishin bërë disa gjëra më mirë? Po sigurisht, se në kontekstin e kohës, njeriu reflekton. Ka tre komponentë të ardhurash, riciklimi, komponentët dhe e treta energjia elektrike. Këto janë po të bësh break-doën ekonomik, kjo është për të kuptuar logjikën ekonomike. Sa mirë janë bërë këto eja shikojini me lupë. Por e vërteta kjo është.

Tabaku: Po e merrni këtë çështje me një lehtësi të jashtëzakonshme, që nuk kisha parë asnjë dëshmitar tjetër. Kemi të bëjmë me persona që janë në kërkim ndërkmbëtar. Ju bëtë dëshmi të rreme se thatë që e njoh vetëm në vitin 2000, por Bardhi më thoë që i keni thënë në parlament se e keni patur shok shkolle. Rastësi të keni udhëtuar siç e thoni ju. Por çfarë rastësie është të japësh një leje minerare për Zoton, Gugallën, po një leje tjetër për AlbTech Energy? Sa rastësi ka midis jush. E dyta është një akt miratimi për përdorimin e një godine në Bradashesh Elbasan. Çfarë rastësie është ti japësh leje minerare që rastësisht kanë marrë inceneratorët, rastësisht keni udhëtuar me ta dhe rastësisht janë në kërkim? Në Fier janë dhënë 20 milion euro paradhënie, a e dini ju që ata kanë paguar veten dhe i kanë çuar në parajsa fiskale? Çfarë përgjegjësi mbani ju?

Gjiknuri: Unë ju dëgjoj deri në fund, më lini të mbaroj. Nuk thash as s’i njoh, ato lidhje që kam i pranoj me fakte. Përmendët leje minerare, lejet minerare jepen me gara. Nëse kjo leje do të kishte problem, të shohë në është bërë garë, në janë plotësuar kushtet. Unë kam dhënë me qindra leje minerare, në fund të fundit ky grup me 100-120 biznesmenë është në Shqipëri.