A u përplas Romeo me produksionin? Gazetarët sqarojnë të vërtetën: Ja çfarë ndodhi në finalen e “Big Brother VIP”

Ditën e premte u zhvillua finalja e spektaklit “Big Brother VIP”, ku fitues u shpall balerini Ilir Shaqiri pas më shumë se 4 muajsh qendrimi në shtëpinë më të famshme në Shqipëri.

Ndërkohë pati shumë spekulime në lidhje me atë që ndodhi në natën e madhe mes vëllait të Donald Veshajt, Romeos dhe produksionit të programit.

Dy gazetarët e njohur nga Koosva Altin Berisha dhe Butrint Pasjaqa kanë reaguar për herë të parë duke sqaruar të vërtetën.

Të ftuar në një intervistë për emisionin “Gjesi” në T7 ata sqaruan se nuk ka pasur një përplasje siç është raportuar në media. “Ne kemi qenë aty dhe në rast se do të kishte ndodhur diçka e kemi parë. E pamë kur erdhi Romeo por nuk ka ndodhur diçka siç është transmetuar. Kjo është e habitshme nga ana tjetër se nëse do të kishte ndodhur që se kam parë por nuk ka qenë diçka e jashtëzakonshme. Ndërkohë, ka pasur shumë njerëz në studio dhe kanë ndenjur në këmbë dhe nuk besoj se do të ndodhte diçka në një spektakël të gjithë me gjithë ata njerëz aty”, tha Butrinti.