Kriset marrëdhënia e Donaldit me Arbana Osmanin? Aktori bën veprimin që i habiti të gjithë

Duket se aktori Donald Veshaj nuk e ka pritur aspak mirë faktin që fitues i “Big Brother VIP” u shpall balerini Ilir Shaqiri.

Kështu, ai ka vendosur që të mos e ketë më “follow” moderatoren Arbana Osmani, ndërkohë që kjo e fundit e ndjek ende artistin.

Gjithashtu, Donaldi ka hequr edhe motrat producente të programit, Lori dhe Sara Hoxha.

Jo vetëm kaq, pasi Donaldi ka fshirë nga Instagrami i tij edhe emisionin që iu bë dhuratë nga produksioni i Top Channel, i titulluar “Më Lër të Flas”.

Këtë emision ai do ta moderonte me vëllain e tij, Romeo Veshaj, por duket se edhe ky i fundit ka hequr dorë nga projekti, duke bërë të njëjtin veprim si Donaldi.

Madje, mbrëmë u bë e ditur se binjakët së bashku me Trixën kishin refuzuar të shkonin në afterparty me ish-banorët e tjerë dhe produksionin.

Gjithashtu Donald Veshaj ka reaguar për herë të parë në rrjetet e tij sociale me anë të një videoje falënderuese për të gjithë njerëzit që e kanë mbështetur.

Aktori shprehet se nuk e fitoi “Big Brother VIP Albania”, por ka vendosur që me 100 mijë euro nga xhepi i tij të ndërtojë 4 shtëpi për njerëzit në nevojë.