Aksident i rëndë/ Motori përplaset me autobusin, përfundon poshtë rrotave

Një aksident i rëndë automobilistik ka ndodhur sot në aksin Dimal-Kuçovë.

Mësohet se një motor me targa AS 085 është përplasur me një autobus, me targa AA 359 AZ rreth 3 km në hyrje të Kuçovës.

Motori ka përfunduar poshtë rrotave të para të autobusit.

Sipas informacioneve autobusi vinte nga Kuçova në drejtim të Dimalit dhe është kthyer në rrugë për të parkuar, ndërkohë që motori që drejtohej nga i riu Esjan Llozgari qarkullonte në të kundërt.

Si pasojë e aksidentit të rëndë ka mbetur i plagosur drejtuesi i motorit Esjan Llozgari, i cili është transportuar me ambulancë drejt Spitalit Rajonal Berat ,ku ndodhet nën kujdesin e mjekëve, në gjendje të rëndë. Në vendngjarje kanë shkuar efektivë të shumtë të policisë rrugore, të cilët po kryejnë këqyrjen e vendit të aksidentit, për të zbardhur shkaqet dhe dinamikën e tij.