“Doktori” i Cosa Nostra që u arrestua para pak ditësh në Itali do të fillonte një tregti droge.
Mediat italiane kanë zbuluar se Giuseppe Guttadauro dhe djali i tij Mario Carlo akuzohen për marrëdhëniet me mafian e Palermos dhe tregtimin e kokainës.
Giuseppe Guttadauro bashkëpunonte me një shqiptar emri i të cilit ka dalë edhe në përgjimet e zbuluara së fundmi. Një përgjim i majit 2018 regjistron një bisedë që shpjegon planin e Guttadauro për të organizuar një trafik kompleks droge me vendet e huaja. Një plan për të cilin “doktori” flet me shtetasin shqiptar Bersni Besart Memetaj (të cilit, sipas hetuesve, i ishte drejtuar edhe ish-shefi i Palermos për të marrë një diplomë false në stomatologji për djalin e tij).
Në dosjen e përgjimeve del shqiptari Mehmetaj, ka treguar se i përket një familjeje të fuqishme të krimit të organizuar. Trafikanti shqiptar shprehej po ashtu se ishte në gjendje të trafikonte ngarkesa prej dhjetëra kg drogë në të njëjtën kohë dhe mund t’i shiste ato brenda ditës, duke fituar 300 mijë euro.
Guttadauro do të kishte organizuar një tregti droge, së bashku me klanet Bagheria dhe Roccella, me vende të huaja, të financuara nga disa palermitanë, duke hapur një kanal për blerjen e kokainës me Amerikën e Jugut dhe me shqiptarin për furnizimin me hashash. Grupi i drejtuar nga Guttadauro kishte dërguar në Brazil përmes një stjuardese rreth 300 mijë euro sapo dërgesa e drogës që vinte nga Amerika e Jugut të mbërrinte në Holandë.
