Presidenti Biden tha se Shtetet e Bashkuara janë “të përgatitura pavarësisht se çfarë ndodh”, për krizën Rusi-Ukrainë.
“Shtetet e Bashkuara janë të përgatitura, pavarësisht se çfarë ndodh. Ne jemi të gatshëm me diplomaci, të angazhohemi në diplomaci me Rusinë dhe aleatët dhe partnerët tanë për të përmirësuar stabilitetin dhe sigurinë në Evropë në tërësi. Dhe ne jemi të gatshëm t’i përgjigjemi me vendosmëri sulmit rus për Ukrainën, e cila është ende shumë e mundshme. Të gjitha ngjarjet e javëve dhe muajve të fundit, kjo ka qenë qasja jonë dhe mbetet qasja jonë tani”, tha Presidenti.
Presidenti Biden tha se ka “shumë hapësirë për diplomaci” me Rusinë që mund të shmangë një konflikt në Evropë.
Duke folur nga Shtëpia e Bardhë, Biden shpalosi zonat ku Uashingtoni dhe Moska mund të vazhdojnë të bisedojnë ndërsa Rusia vazhdon të grumbullojë trupa përgjatë kufirit të tyre me Ukrainën.
Biden tha se ai foli me presidentin Putin këtë fundjavë dhe e bëri të qartë se SHBA është e gatshme të “vazhdojë të ndjekë diplomacinë e nivelit të lartë” për të negociuar “mirëkuptime të shkruara” me Rusinë.
“Dje, qeveria ruse propozoi publikisht vazhdimin e diplomacisë. Jam dakord,” tha Biden.
Ai shtoi, “Ne duhet t’i japim diplomacisë çdo shans për të pasur sukses.”
