“Balina s’më ul dot” E akuzoi se iku në Dubai me të dashurin, Beatrix paralajmëron opinionisten: Do të hedh në gjyq

Këngëtarja Beatrix Ramosaj është një nga personazhet më të komentuara për shkak të situatës së krijuar në “Big Brother VIP”.

Ajo refuzoi të ishte pjesë e darkës së konkurrentëve me ish-banorët për shkak të hatërmbetjes së saj kundrejt batutave të aktorit Ermal Mamaqi dhe moderatorit Salsano Rapi.

Donaldi padyshim që u mërzit nga mungesa e Trixës dhe nuk e shijoi sa të tjerët darkën me ish-banorët, ndërsa burime treguan se këngëtarja i ka hipur avionit dhe është larguar fare për disa ditë nga Shqipëria, për në Dubai.

Ndërkohë një bisedë mes Balina Bodinakut dhe një personi të panjohur është bërë sot publike. Opinionistja e Big Brother kishte thënë se Trixa është me të dashurin në Dubai.

“Sapo më shkroi një e njohur e imja në këtë moment. Punon në agjensi udhëtimesh, më tha që Trixa është me pushime me të dashurin. Se i ka prerë biletat” , tha ajo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Trixa ka reaguar në Instagram: “Ti Balina nuk më ul dot vlerat mua. Ka ardhur koha t’i dal Zot vetes sime dhe këtë do të bëj. Të hamendësoh për jetën time, as të influencosh fansat e mi”.

Madje artistja paralajmëroi se do ta hidhte opinionisten në gjyq, duke e ndjekur çështjen në rrugë ligjore.