LIGJET E BIZNESIT
Ministrja e Jashtme Olta Xhaçka i ka kërkuar presidentit të Rusisë Vladimir Putin që të ulë tensionet në kufirin me Ukrainën.
Ajo theksoi se i qendron pranë këtij shteti.
Me anë të një njoftimi për shtyp, institucioni diplomatik kërkon që lideri rus të zgjidhë krizën përmes rrugëve diplomatike dhe të respektojë sovranitetin territorial të Ukrainës.
“Në këtë situatë të vështirë dëshirojmë të rikofirmojmë edhe një herë mbështetjen e #Shqipërisë ndaj sovranitetit dhe integritetit territorial të #Ukrainës. Ne ripërtërijmë thirrjen tonë për #Rusinë që të ulë tensionet dhe të zgjidhë situatën në mënyrë diplomatike”, shkruan Ministria e Jashtme e Shqipërisë.
Ky është reagimi i dytë në pak ditë i autoriteteve shqiptare mbi krizën në Ukrainë, ndërsa dy ditë mëparë kërkuan nga shtetasit shqiptarë që të mos udhëtonin atje ose ata që ishin të ktheheshin në mënyrë të menjëhershme.
Ushtria ruse është pozicionuar vetëm disa kilometra nga kufiri ukrainas dhe kërkon nga NATO dhe Kievi që të japin garanci që vendi nuk do të anëtarësohet në organizatë.
