Një grua shqiptare është arrestuar në aeroportin e Stambollit pasi është kapur me një sasi prej 3 kg ar dhe shumë bizhuteri floriri e ora luksoze me vete të fshehura poshtë rrobave. E arrestuara është Fatime Reçi, e cila ra në pranga më 14 janar të 2022. Ajo është kthyer në qendër të vëmendjes nga mediat turke ditët e fundit pas publikimit të videove nga ndalimi i saj në aeroportin e Stambollit.
Sipas disa mediave në vendin tonë Fatime Reçi është nga Laçi dhe mendohet se është ‘korrierja’ e një grup i kriminal shqiptar që operon në këtë zonë. Gruaja ka lidhje familjare me një personazh të ekzekutuar kohët e fundit pikërisht në qytetin e Laçit, ku vrasja e fundit rezulton se ka qenë ai i Xhelal Reçit. Sasia e bizhuve arrinte një vlerë deri në 250 mijë eurove në total.
