Ish-kryeministri Sali Berisha u shpreh sot gjatë takimit për prezantimin e kandidatit të Bashkisë së Durrësit se porti është kthyer në pronë të liderit të Partisë Demokratike Lulzim Basha dhe kreu të qeverisë Edi Rama.
Berisha sulmoi kandidatin e PD Luan Hoti, të cilin e akuzon se ka marrë tendera nga marrëveshja Rama-Basha.
“Përballë kandidatit tuaj kandidon dyshja Sako-Hoti. Më lejoni të them haptaz këtu, zonja Sako përfaqëson 100% Gjushin dhe asnjë njeri tjetër. E njihni vetë, nuk merrem me të. Individualiteti i saj është Gjushi. 20 vite do vazhdohet me Gjushin? Në asnjë mënyrë? Hoti është kopja durrsake e Lulzim Bravës. Ua them dhe miqve të mi, veçanërisht miqve të tij kosovarë.
Njëherë thotë se jam boshnjak, njëherë thotë jam kosovar. Familjen e ka të nderuar. Nuk e akuzoj kot. Po të mos ishte kopje e tij, do futej në primare. Ua dhamë juve primaret. Nqs, përfitoi me tendera nga Saranda deri në Shëngjin nga marrëveshja Rama-Basha”, tha Berisha.
