20-vjeçari shqiptar i arratisur në Shqipëri pas vrasjes së 19-vjeçarit Alqis Kambanu ka kërkuar të dorëzohet në autoritetet greke.
Ngjarja ndodhi afër stadiumit të skuadrës “Aris” në Selanik. Me një telefonatë në një zyrë avokatie në Selanik, i riu Roxhers Demirasi ka kërkuar të dorëzohet vetë duke u kthyer në Greqi.
Ndërkohë, avokatët grekë kanë thënë në median greke se pas lëshimit të urdhrit ndërkombëtar për arrest është e pamundur që i riu të kthehet vetë në Greqi, të kalojë kufirin si çdo qytetar. Ndaj, edhe autoritetet greke i kanë sugjeruar të dorëzohet në autoritetet shqiptare, për të kryer procedurën në prokurorinë e zonës e në vijim të kryhet dhe ekstradimi në Greqi.
