Pas arrestimit të ish-ministrit Saimir Tahiri, ka reaguar Bashkim Tahiri, babai i tij.
Në një intervistë të dhënë për “5 pyetjet.al” ai shprehet se ndihet keq, pasi sipas tij ish-ministri Tahiri nuk i ka hyrë në hak askujt.
“Si çdo prind, ndihem keq. Është fare logjike kjo punë, çdo prindi edhe sikur t’i rrëzohet fëmija në trotuar do të ndihet shumë keq. Kjo ka edhe një gjë pastaj, unë jam me kokën lart, se në fund të fundit, ai ka punuar dhe sakrifikuar shumë, nuk i ka hyrë asnjë njeriu në hak. Nuk ka shkelur njeri në kallo, nuk ka vjedhur njeri, nuk ka vrarë njeri. Absolutisht nuk është marrë me këto veprimtari negative. Kështu që ashtu sikur ndihem keq, ndihem edhe krenar, pasi nuk i kemi bërë keq asnjë njeriu. Dhe aq më tepër që ai ka kontribuar shumë si për PS-në dhe policinë,” tha ai.
Bashkim Tahiri zbulon se ka komunikuar me të birin pas futjes në qeli.
“Po, kam komunikuar. Duhet të ruajmë veten që t’i ngremë moralin atij”, tha ai.
“Mua më kanë marrë deputetë individualisht”.
