“Vjedhja e shekullit” PD publikon videon: Akuzat për inceneratorët po vërtetohen

Deputetja e Partisë Demokratike Dhurata Çupi ka publikuar një video në lidhje me inceneratorin e Fierit.

Ajo denoncon se për këtë projekt janë shpenzuar 28 milionë euro dhe nuk përpunohet asnjë mbetje.

Sipas Çupit, çdo ditë po vërtetohen akuzat e PD në lidhje me vjedhjet me inceneratorët.

“Inceneratori i Fierit sot duhet të ishte skenë krimi, pagesat duhet të kishin ndaluar dhe ata që kanë abuzuar me paratë e shqiptarëve të ishin para drejtësisë duke nisur me Edi Ramën.

28 mln euro janë shpenzuar për inceneratorin e Fierit dhe në të nuk përpunohet asnjë mbetje, ndërkohë që duhet të kishte përfunduar 3 vite me parë!

Çdo ditë shqiptarët po shohin se si akuzat e PD për vjedhjen me inceneratorët po vërtetohen.

Shqipëria është sot vendi më i korruptuar i Europës.

Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim.

Shqiptarët duhet ta braktisin të shkuarën dhe të korruptuarit!