Ish-ministri i Brendshëm Saimir Tahiri do të transferohet në burgun e Fierit.
Aty ai do të vuajë dënimin e caktuar pak ditë më parë nga Gjykata e Posaçme e Apelit.
Vendimi u mor sot nga Drejtoria e Përgjithshme e Burgjeve.
Kujtojmë se Saimir Tahiri u dënua nga Apeli i GJKKO me 3.4 vite burg me akuzën e shpërdorimit të detyrës.
Pas shpalljes së dënimit, Tahiri u dërgua në burgun 313 në kryeqytet, ku qëndroi i izoluar nga të paraburgosurit e tjerë për arsye sigurie.
