Presidenti i Republikës Ilir Meta ka thënë në një deklaratë për mediat se nuk do të largohet nga Presidenca para datës 24 korrik.
Ai u shpreh se do të ndëshkojë të gjithë ata që kërcënojnë Kushtetutën dhe qetësinë publike.
“Ju thoni nëse 24 korriku është sot. Unë do të doja të ishte që dje. Nuk do të ketë asnjë bravë shtesë në institucionin e presidentit. Nuk do të blindohet asgjë. Më 24 korrik ju kam premtuar që do të bëj një festë e më pas aty është populli i dy marsit, është shtuar shumë kohët e fundit.
Me këto falsifikimet e fundit është i irrituar, por ne duhet të vetëpërmbahemi. Nuk varet vetëm nga presidenti. Kur palët sillen normalisht presidenti sillet si danez”.
