LIGJET E BIZNESIT
Shtëpia ku Petrit Mamaj vrau bashkëshorten të martën në Fier, i ka dyert e mbyllura. Trupi i Valentina Mamaj Vruzhit do të përcillet për në banesën e fundit në Levan, nga familjarët e saj, teksa fqinjë të familjes Mamaj kanë treguar se çifti ka qenë i qetë, nuk ka pasur probleme e grindje, madje janë shprehur të shokuar nga ajo që ka ndodhur. Ata deklarojnë se 50-vjeçarja ishte një grua e mirë, e nderuar që ishte kujdesur dhe për prindërit e të shoqit.
“Nuk kanë qenë njerëz të konflikteve dhe të sherreve. Kanë qenë njerëz punëtorë, ulnin kokën punonin të dy burrë e grua të rrisnin kalamajtë, të ushqenin kalamajtë”, tha një fqinjë.
“Me të shoqin kisha llafosur nja 2-3 herë, më dukej si çun i mirë, nuk e di. Krim është”, u shpreh një banor.
“Ajo ishte vajzë e mirë, vajzë e nderuar dhe ai djalë i urtë, djalë i mirë. U habitëm kur e dëgjuam. Njerëz shumë të mirë. Ajo i ka mbajtur pleqtë si zonjë, të dy. Dhe ai punonte, se në bashki se ku nuk di. Shumë të mirë kanë qenë që të dy, se si iu erdhi, si i patën hallet e dinë vetë”, tha një tjetër fqinjë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ngjarja e rëndë, e raportuar si vetëvrasje dhe e konfirmuar më pas si vrasje, tronditi mbarë opinionin publik. Pritet që autori, i cili ka pranuar krimin, të dalë përballë togave të zeza të gjykatës së Fierit.
