Aksident automobilistik në Tiranë, dy vajza dërgohen me urgjencë në spital

Dy makina janë përplasur me njëra-tjetrën ditën e sotme në kryeqytet ku si pasojë kanë mbetur të plagosura dy vajza.

Sipas njoftimit zyrtar të policisë mësohet se drejtuesja e njërës makinë, shtetasja me inicialet N.F dhe pasagjerja e mjetit tjetër me inicialet M.M ndodhen në spital, jashtë rrezikut për jetën.

Grupi hetimor ndodhet në vendin e ngjarjes dhe po punon për zbardhjen e plotë të aksidentit.

Njoftimi i Policisë:

Tiranë/Informacion paraprak

Më datë 08.02.2022, në Bërxullë, janë përplasur mjeti me drejtues shtetasin A. Sh., me mjetin me drejtuese shtetasen N. F.

Si pasojë janë dëmtuar drejtuesja e mjetit shtetasja N. F., dhe pasagjerja e mjetit tjetër, shtetasja M. M., të cilat ndodhen në spital, nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.