LIGJET E BIZNESIT
Prej më shumë se dy vitesh bota është e pushtuar nga pandemia e koronavirusit.
Njerëzit bëjnë vazhdimisht pyetjen se kur do të marrë fund kjo situatë e vështirë për të gjithë.
Për këtë temë ka folur dhe themeluesi i “Microsoft”, një nga njerëzit më të pasur, Bill Gates.
Ai është shprehur se numri i të infektuarve në disa vende do të ulet pas valës së llojit “Omicron” dhe më pas, virusi do të trajtohet si një grip sezonal.
“Ndërsa bota po kalon valën Omicron, sistemet shëndetësore do të përballen me shumë sfida. Rastet më të rënda po shfaqen tek njerëzit e pavaksinuar. Sapo Omicron të kalojë, rastet do të jenë më të pakta, kurse koronavirusi do të trajtohet më shumë si një grip sezonal”, ka shkruar Gates në Twitter.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai ka folur gjithashtu edhe për vaksinat dhe efektivitetin e tyre, ku është shprehur se duhet të kenë një rezultat dhe efekt për periudha të gjata.
“Ne kemi nevojë për vaksina që parandalojnë infektimet e përsëritura dhe që duhet të jenë rezultative për shumë vite”.
Mbi origjinën e koronavirusit, milioneri shkruan se ka prova që ai është transmetuar te njerëzit nga një specie tjetër.
“Në të ardhmen do të ketë shpërthime të ngjashme sëmundjesh që do të transmetohen nga specie të tjera, kështu që ne duhet të investohemi për t’u përgatitur kundër tyre”, tha ai.
Edhe më herët, Gates ka parashikuar se sëmundja e koronavirusit mund të përfundonte në vitin 2022. Megjithatë, përhapja e Omicron, duket se e ka ndryshuar teorinë e tij.
