LIGJET E BIZNESIT
Ish-kryeministri Sali Berisha ka nisur sot fushatën për zgjedhjet e pjesshme vendore të 6 marsit.
Ai ndodhej në Sukth, ku ka prezantuar dhe kandidatin e parë të koalicionit “Shtëpia e Lirisë”, Ardian Mukën.
Ardian Muka: “Ju falenderoj miqtë e mi për këtë pjesëmarrje masive në këtë festë të shpirtit demokrat, ku të gjithë jemi bërë bashkë.
Dajret apo bravat janë e shkuara! Ne nuk do ti shmangemi realitetit dhe dua tu kthej Durrësin atyre që u takon, atyre që e shohin pushtetin nga lart poshtë. Duhet të marrim në dorë fatet tona.
Poshtë pushteti dhe rroftë qyteti!”
Berisha: “Të tillë janë durrsakët, njerëz të mrekullueshëm të cilët bëjnë gjithçka për një jetë dinjitoze por në 8 vitet e fundit, një qeverisje që varfëron dhe nuk begaton vendin e qytetarët e tij. Durrësi kurrë nuk e meriton këtë qeveri. Gradualisht ambiciet e saj për Durrësin kaluan çdo parashikim. Në mënyrën më të papërgjegjshme pas një sage të aferës korruptive më të madhe në Europë duke prekur 12 mijë familje që ushqeheshin me rroga në port, për të shtruar në një zonë ndërtimesh.
Për Edvinin dhe Lul Ramën, larjen e miliarda parave droge, shikoni çfarë janë në gjendje ti bëjnë qytetit, ti presin si me sëpatë 3 mijë vite histori. Nëse do të ndërtosh një port të ri në Porto Romano atëherë jepu këto metra katrorë qytetarëve të Durrësit.
Nuk ka qëndrim më armiqësor ndaj shqiptarëve dhe durrsakëve.
